بابچی/ Malaya tea/ Psoralea corylifolia

 بابچی/ Malaya tea/ Psoralea corylifolia

نام

ماہیت

 بابچی Malaya tea (جس کو بکچی بھی کہتے ہیں( ایک بوٹی کے تخم ہیں جو دانہ مسور کے مانند لیکن اس سے قدرے بڑے سیاہ رنگ کے گول لمبوترے سے اور چپٹے ہوتے ہیں۔ اندر سے مغز سفید ہو تا ہے، مزہ تلخ ہو تا ہے جو زبان میں لگتا ہے ۔ بابچی Psoralea corylifolia ایک پودے کے تخم ہیں جوتخم چاکسو کے مانندمگر بے چمک ہوتے ہیں ، تخم بالیوں میں لگتے ہیں ، بابچی کی رنگت سیاہی مائل لیکن اندر سے سفید ہوتی ہے، یہ زمانہ قدیم سے مرض برص میں استعمال ہوتا آرہا ہے ۔

بابچی Malaya tea کا پودا تقر یبا ۲ فٹ اونچا ہوتا ہے ، اس کے پتے چوڑے گول کنگرے داراور پھول چھوٹے سفید یا گلابی رنگ کے ہوتے ہیں، یہ پورے ہندوستان میں بنگال، بہار، یو پی ، اور مہاراشٹر میں کاشت کئے جاتے ہیں اور خو در وطور پر بھی پائے جاتے ہیں ، ببابچی کو مدبر کرنے کے بعد دواء استعمال کیا جا تا ہے۔

آپ  اسکو بھی پسند کر سکتے ہیں

 مزاج

گرم و خشک بد رجہ دوم۔

افعال

·      مصفی خون

·      ملین

·      قاتل کرم شکم

·      کاسر ریاح

·      بہق برص کلف

·      مقوی معدہ

استعمال

بابچیMalaya tea داد اور خارش میں گولیاں اور سفوف وغیرہ کی شکل میں بکثرت استعمال کیا جا تا ہے۔ بیرونی طور پر تنہا یا دیگر ادویہ کے ہمراہ امراض مذکورہ خصوصا بہق وبرس میں ضماد استعمال کرتے ہیں۔ جب کہ امراض جلد یہ کے ہمراہ قبض ،بواسیر، سقوط اشتہا،جیسے عوارض لاحق ہوں تو الی صورت میں بابچی Psoralea corylifolia کو استعمال کرتے ہیں۔

 باپچی Malaya tea کو مد بر کرنے کے بعد استعمال کرتے ہیں اور اس کا طریق تدبیر یہ ہے کہ اس کو آب ادرک میں کم از کم ایک ہفتہ تک بھگوئے رکھیں اور اس کو روزانہ تبدیل کرتے رہیں۔

بابچیPsoralea corylifolia کو سفوف یاز لال کی شکل میں برص، بہق، جذام،کلف دنمش ، جرب و حکہ ، داداور دیگر امراض فساددم میں استعمال کیا جا تا ہے ۔ بابچیکا زلال استعمال کر نے کے بعداس کا ثفل سرکہ کے ہمراہ مقام برص وغیرہ پر لگایا جا تا ہے ۔ بواسیر، قبض ،ضعف اشتہا ء، دیدان امعاء میں بھی اس کا سفوف استعمال کیا جا تا ہے۔

 نفع خاص

 بہق وبرص میں مستعمل ہے۔

 مضر

·      نفاخ

·      مقرح

مصلح

·      دہی

·      روغنیات

بدل

تخم پنواڑ۔

مقدار خوراک

 1سے3گرام

 مزید تحقیقات

کیمیاوی تحقیقات سے پتہ چلا ہے کہ ”باپچی ” کا جو ہر مو ثر اصل میں اس میں موجود روغن ہے۔ اس روغن پر بابچی کے دافع برص اثرات کا انحصار ہے۔ یہ روغن جب جلد پر لگایا جا تا ہے تو ان خلیات کو تحریک دیتا ہے جن کے کام نہ کرنے کی وجہ سے برص ظاہر ہو تا ہے۔ اس کا کام جلد کو طبعی رنگت فراہم کرنا ہے اور ان کو” خلیات لوبیہ” کہا جا تا ہے ۔

 روغن باپچی کے مقامی استعمال سے ان خلیات کو تحریک ہوتی ہے جن سے لونی مادہ ان سے خارج ہو کر مقام ماؤف میں نفوذ کر جا تا ہے اور جلد حسب معمولی دکھائی دینے لگتی ہے۔ آج کل اعلی پیمانہ پر لیبارٹریز میں روغن باپچی حاصل کیا جا تا ہے۔

روز مرہ تجربہ سے تو یہی نتیجہ حاصل کیا جاسکتا ہے کہ تنہا روغن بابچی کو استعمال کرنے سے وہ بہتر نتایج حاصل نہیں ہوتے جو کہ خام حالت میں مذکورہ تراکیب سے استعمال کئے جانے پر ہوتے ہیں۔

Terpenoid oil

Psoralen

Isopsoralen

 مشہور مرکبات

·      سفوف برص

·      ضماد برص

·      سفوف جذام