تخم کدو/ Pumpkin Seed/ Cucurbita maxima

 تخم کدو/Pumpkin Seed/ Cucurbita maxima

نام

ماہیت

 تخم کد ویا ابزار القرع، کروۓدراز کے تخم ہیں۔

مزاج

سرد وتر بدرجہ دوم۔

آپ اسکو بھی پسند کر سکتے ہیں

افعال

·      مبرد

·      مرطب

·      مسمن بدن

·      ملین صدر

·      مسکن صفراء خون

·      مدربول

 استعمال

 مذکورہ افعال کی وجہ سے تخم کدو ویا مغز تخم کد و لاغری جسم، لاغری گرده، جوش خون، زیادتی صفرا،شدت عطش، سوزش معدہ،خشونت ریہ و قصبہ ریہ، گرم کھانی ( سرفہ حار) نفث الدم اور حمیات حارہ میں زیادہ تر شیرہ نکال کر پلایا جاتا ہے۔

 مبرد ومرطب ہونے کے باعث یبوثت دماغ اور سہر میں شربا و ضماداً وسعوتا مستعمل ہے۔ مدربول ہونے کی وجہ سے سوزش بول و عسرتہ بول میں شیرہ نکال کر پلایا جاتا ہے۔ تخم کدو سے روغن بھی نکالا جاتا ہے جو کہ روغن کدو کے نام سے مشہور ہے۔

 یہ روغن یبوست دماغ،سہر، تر طیب بدن میں تدہیناو سعوطاً استعمال کیا جاتا ہے۔

 نفع خاص

·      مقوی دماغ

·      مسمن بدن

 مضر

بلغمی مزاجوں کو۔

 مصلح

·      نبات سفید

·      شہد خالص

 مقدار خوراک

 ۳ماشہ سے ۵ماشہ تک۔

تخم مویز/Raisin/ Vitis Vinifera

نام

ماہیت

مویز (جس کو اردو میں منقے کہتے ہیں) کے تخم ہیں، جو اس سے نکال لیے جاتے ہیں۔

 مزاج

سرد ۲ خشک ۲

افعال

·      قابض

·      مقوی معدہ وامعاء

استعمال

اسہال و معدی تنہا یا دیگر ادویہ کے ہمراہ پانی یا عرقیات میں شیرہ نکال کر استعمال کئے جاتے ہیں۔

 مقدار خوراک

 ایک ماشہ سے ۳ ماشہ تک۔

تخم نیل/ True indigo/ Indigofera tinctoria

نام

ماہیت

 نیل نامی بوٹی کے بیج ہیں جس کے پتوں کو ”وسمہ “ کہتے ہیں اور جو خضاب میں مستعمل ہیں۔

 مزاج

گرم خشک بدرجہ سوم۔

 افعال

جالی

 استعمال

 جالی ہونے کی وجہ سے باریک پیس کر نزول الماء اور بیاض چشم میں ا کتحالاً استعمال کرتے ہیں۔ برص وبہق اور داد وغیرہ امراض جلد یہ میں اس کا طلاء لگاتے ہیں۔