بیل گری/ Bael fruit/ Aegle marmelos

 بیل گری/ Bael fruit/ Aegle marmelos

نام

ماہیت

 بیل گری Beal fruit بیل کا گودا ہے اور بیل ایک پھل ہے جو انار کے برابر اور اس سے بڑا بھی ہو تا ہے۔ خام ہونے کی حالت میں سبز اور نرم ہو تا ہے لیکن پختہ ہونے کے بعد زرد رنگ اور بہت سخت ہو جاتا ہے۔ پختہ پھل کا مغز شیریں خوش مزہ خوشبودار مائل بزردی ہو تا ہے، بیل کا درخت بڑا ہوتا ہے۔

بیلگری Beal fruit بیل کا مغز (Pulp) ہے جسے چھلکوں سے علیحد ہ کر کے خشک کر لیا جاتا ہے۔ اس کا رنگ مغز زردی مائل سرخ اور مز ہ شیر یں خوشبودارادر لعابی ہوتا ہے۔ بیل گری Aegle marmelos کا درخت بڑے قد کا ہوتا ہے پھل موٹے مضبوط اور سخت چھلکوں والا وزنی ہوتا ہے، یہ تازہ حالت میں سبز ، پختہ ہونے پرزرد ہو جاتا ہے ۔ یہ ہندوستان کے اکثر علاقوں میں پایا جا تا ہے ۔

آپ کو یہ بھی پسند آسکتا ہے

مقام پیدائش

·      ہندوستان

·      پاکستان

 مزاج

 دوسرے درجہ میں سرد اور تیسرے درجہ میں خشک ہے۔

 افعال

·      قابض

·      حابس الدم

·      مقوی معدہ

·      اس کے درخت کی جڑ کی چھال دافع بخار ہے۔

·      ملین

·      خشک

·      ہاضم

·      مفرح

·      نافع ذیابیطس

 استعمال

بیل گری Beal fruit قابض ہونے کی وجہ سے پرانے دستوں ،سنگر ہتی پیچس کو بند کرتی ہے۔ بیل گری Aegle marmelos زحیر صادق کے لئے مفید ہے اور اپنی قوت قابضہ کی وجہ سے مقوی معدہ ہے ۔حابس الدم اور قابض ہونے کے باعث ہر قسم کے نزف الدم کے لئے نافع ہے، چنانچہ دستوں میں خون آنے کے وقت نیز کثرت حیض وغیرہ میں استعمال کی جاتی ہے۔

قبض کو دفع کرنے کے لئے تازوبیل کا گودا مستعمل ہے۔معدہ وامعاء کی گرمی کو دور کرنے کے لئے اس کا شربت استعمال کیا جا تا ہے۔ بیلگری Aegle marmelosکو سفوف کی شکل میں مختلف قسم کے اسہال وزحیر ، معدہ کی حاداور مزمن بیماری اور ہرقسم کے جریان خون میں استعمال کیا جا تا ہے۔ بیل گری Aegle marmelos کی چھال کا جوشاندہ حمی میں اور تازہ پتی کا رس یا عصارہ ذیابیطس میں مفید ہوتا ہے ۔

نفع خاص

 نافع زحیر اور قابض ہے۔

مضر

مسدد،موجب بواسیر ہے۔

مصلح

 شکر

بدل

 سبوس اسپغول

مقدار خوراک

سفوف کی حالت میں ۲ ماشہ سے ۳ ماشہ تک۔ اور نقوع میں ۳ ماشہ سے ۵ ماشہ تک مستعمل ہے۔

 مزید تحقیقات

بیل پھل کی یہ دوائی تاثیراسی وجہ سے نہیں ہے کہ اس میں ٹے نین پایا جاتا ہے جیسا کہ اور دواؤں میں ہوتا ہے بلکہ یہ اثر اس کی لعابیت اور پیکٹین کی موجودگی کی وجہ سے ہے۔ خام پھل میں قابض حموضات بھی موجود ہوتے ہیں۔

Protein

Fibre

Calcium

Phosphorus

Thiamine

Riboflavin

Gum (galactore, arabinose)

Carotene

Vit.C

مشہور مرکب

·      شربت بیلگری

·      معجون ذرب

·      دواء براۓ  اسہال

·      سفوف ہندی